KHUTBAH NIKAH (9)

Khutbah Nikah bahasa jawa

إنَّ الْحَمْدَ لِلَّهِ  نَحْمَدُهُ وَنَسْتَعِيْنُهُ وَنَسْتَغْفِرُهُ

وَنَعُوْذُ بِاللهِ مِنْ شُرُوْرِ أَنْفُسِنَا وَسَيِّئَاتِ أَعْمَالِنَا

مَنْ يَهْدِهِ اللهُ فَلاَ مُضِلَّ لَهُ  وَمَنْ يُضْلِلْ فَلاَ هَادِيَ لَهُ

أَشْهَدُ أَنْ لاَ اِلَهَ إِلاَّ اللهُ وَحْدَهُ لاَ شَرِيْكَ لَهُ

وَأَشْهَدُ أَنَّ مُحَمَّدًا عَبْدُهُ وَرَسُوْلُهُ.

يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلاَ تَمُوتُنَّ إِلاَّ وَأَنْتُمْ مُسْلِمُونَ

يَا أَيُّهَا النَّاسُ اتَّقُوا رَبَّكُمُ الَّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالاً كَثِيرًا وَنِسَاءً وَاتَّقُوا اللَّهَ الَّذِي تَسَاءَلُونَ بِهِ وَالأَرْحَامَ إِنَّ اللَّهَ كَانَ عَلَيْكُمْ رَقِيبًا

يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلاً سَدِيدًا

يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزًا عَظِيمًا

أَمَّا بَعْدُ,  فَإِنَّ أَصْدَقَ الْحَدِيْثِ  كِتَابُ اللهِ,  وَخَيْرَ الْهَدْيِ هَدْيُ مُحَمَّدٍ     وَشَرَّ الأُمُوْرِ مُحْدَثَاتُهَا وَكُلَّ مُحْدَثَةٍ بِدْعَةٌ  وَكُلَّ بِدْعَةٍ ضَلاَلَةٌ  وَكُلَّ ضَلاَلَةٍ فِى النَّارِ,  اَللَّهُمَّ صَلِّ عَلَى مُحَمَّدٍ وَعَلَى أَلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الْقِيَامَةِ.

Seestunipun sedayanipun puji namung kagunganipun Allah SWT, kula tansah amemuji  saha nyuwun pitulungan sarta pangapuranipun Allah. Kula nyuwun perlindunganipun  Allah saking awonipun nafsu kula saha saking akibat awonipun perilaku kula.

Sinten kemawon ingkang sampun dipun paringi pitedah  dening Allah, mboten wonten ingkang saget nyesataken piyambakipun,  saha sinten kemawon ingkang sampun dipun sesataken, mboten wonten ingkang saget maringi pitedah dateng piyambakipun.

Saktemenipun Ingsun nyekseni bilih  mboten wonten pengeran ingkang hak sinembah kejawi namung Allah SWT, mboten wonten sekutu mungguhing Allah SWT. Saha ingsun nyekseni  bilih kanjeng Nabi Muhammad SAW dados kawula saha utusanipun Allah SWT.

Hai wong-wong kang pada iman, pada taqwao sira marang Allah SWT kanthi saestu-estunipun taqwa dateng Allah SWT. Lan sira kabeh aja nganti mati kejaba ing dalem ngugemi agama  Islam.

Hai para manungsa pada takwao sira kabeh marang pengeranmu kang wis nitahake awak ira kabeh saka awak siji lan saka awak siji iku Allah nitahaken jodone, lan saka sejodo mau Allah ngembangbiakake wong lanang lan wong wadon kang akeh,lan taqwao sira marang Allah, kang kanthi asmane Allah sira kabeh pada saling nakokake  antarane siji lan liyane, lan  pada jagao sira kabeh hubungan  silaturrahim. Sak temene Allah tansah jaga lan ngawasi sira kabeh.

Hai wong-wong kang pada iman, taqwao sira kabeh marang Allah lan pada ngomongo kang bener,  kang mengkono  Allah bakal ngapekake awakmu amal-amalmu lan ngapuro marang awakmu dosa-dosamu. Lan sapa wonge kang taat marang Allah lan Utusane, mangka saktemene awake wis entuk kemenangan kang gede.

Ammaa ba’du,

Hadirin rahimakumullah,  khususipun tmanten kekalih ingkang dipun berkahi  Allah,

Punika khutbah nikah saking Nabi Muhammad SAW, nalikanipun nikahaken putrinipun tercintanya Fatimah az-Zahra,  intinipun inggih punika pesen Taqwa.  Kengin nopo  Taqwa?   Awit tiyang ingkang paling mulyo wonten ing ngersanipun Allah SWT punika tiyang ingkang paling  taqwa.

إنَّ أَكْرَمَكُمْ عِنْدَ اللَّهِ أَتْقَاكُم

“Saktemene wong kang paling mulyo ing antarane sira kabeh mungguhe Allah yaiku wong kang pada taqwa.” (Q. S. Al-Hujurat : 13).

Taqwa saget dipun pahami kanthi pengertosan  ingkang sederhana, inggih punika kanthi nindakaken sedaya perintahipun Allah saha nebihi sedaya awisanipun Allah. Termasuk,  perintah nindakaken  pernikahan,  saha nebihi pergaulan bebas lan  perzinahan.  Rasulullah SAW dawuh :

يَا مَعْشَرَ الشَّبَابِ ! مَنِ اسْتَطَاعَ مِنْكُمُ الْبَاءَةَ فَلْيَتَزَوَّجْ , فَإِنَّهُ أَغَضُّ لِلْبَصَرِ , وَأَحْصَنُ لِلْفَرْجِ

وَمَنْ لَمْ يَسْتَطِعْ فَعَلَيْهِ بِالصَّوْم    ; فَإِنَّهُ لَهُ وِجَاءٌ.   مُتَّفَقٌ عَلَيْه                                                                                                                                                                .

“Hai para Pemuda,  sapa wonge ing anarane sira kabeh wis  mampu nikah,  maka pada nikaho.   Sebab saktemene nikah iku bisa nundukake pandangan lan jaga kemaluan. Lan sapa wonge kang durung mampu,syogyane awake nglakoni pasa, sebab saktemene pasa iku bisa dadi benteng kanggo awake.”

Dados perintah nikah punika, sekaligus ugi perintah kangge agi pandangan lan kangge jagi kemaluan, artosipun ampun ngantos sekali-kali nglampah zina. Perintah nikah punika tatunipun mboten kangge ingkang bestatus jejaka kemawon, ananging termasuk ugi ingkang berstatus duda.   Justru menawi ingkang mboten nikah , berarti termasuk tiyang-tiyang ingkang mboten remen dateng sunnah Nabi, padahal  tiyang ingkang mboten remen dateng sunnahipun kanjeng Nabi mboten kelebet golongan umatipun.

وَعَنْ أَنَسِ بْنِ مَالِكٍ  { أَنَّ النَّبِيَّ صلى الله عليه وسلم حَمِدَ اللَّهَ , وَأَثْنَى عَلَيْهِ , وَقَالَ : ” لَكِنِّي أَنَا أُصَلِّي وَأَنَامُ , وَأَصُومُ وَأُفْطِرُ , وَأَتَزَوَّجُ النِّسَاءَ , فَمَنْ رَغِبَ عَنْ سُنَّتِي فَلَيْسَ مِنِّي }  مُتَّفَقٌ عَلَيْهِ.

Saking sahabat Anas bin Malik bilih kanjeng  Nabi SAW sak sampunipun muji saha nyangjung dateng  ngarsanipun Allah, saklajenipun paring sabda : “Saktemene  aku sholat lan uga turu,  aku puasa lan uga buka ,  lan aku uga nikahi wanita.  Sapa wonge kang ora demen  ing sunnahku,  mangka wong mau ora termasuk golongan umatku.“

Hadirin rahimakumullah,

Akad Nikah hakikatipun Janji agung wonten ing ngarsanipun  ingkang  Maha Agung ingkang kedah dipun pertanggungjawabaken.  Pramila sayogyanipun  janji agung punika kita cepeng  kanthi  teguh.   Allah SWT sampun ngengetaken wonten ing  Al-Quran Surat Al-Isra‘ : 34,

وَأَوْفُوا بِالْعَهْدِ إِنَّ الْعَهْدَ كَانَ مَسْئُولاً

“Lan pada nepati janji sira kabeh,  saktemene  janji iku bakal dijaluki pertanggung jawaban.“

Tamtunipun  saben tiyang ingkang bangun mahligai rumah tangga,  ingkang dados dambaan saha cita-citanipun gadahi kehidupan rumah tanggaingkang sae, dipun diliputi dening  mawaddah wa rahmah,  kebak ing kebahagiaan, saling  sabiantu, saling memahami ugi saling mengertos.   Sesuai kalian  dawuhipun Allah  wonten ing  Al-Qur’an S. Ar-Rum : 21,

وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لآيَاتٍ لِقَوْمٍ يَتَفَكَّرُونَ

“Lan sebagian   saka tanda-tanda kuwasaning  (Allah)  yaiku Allah wis nitahake kanggo awakmu jodo-jodo saka  awak ira, supaya sira kabeh tentrem marang deweke (jodo-jodo ira) sarta andadekake  sih-sinisihan (kasih sayang) ing antarane ira kabeh. Saktemene kang mengkono iku  yekti ana tanda-tanda (kuwasaning Allah) tumprap wong kang pada gelem mikir.”

Kondisi mawaddah wa rahmah tamtunipun mboten  dugi dumadakan, pramila syarat kangge gayuh  mawaddah wa rahmah,  salah satunggalipun inggih punika  sayogyanipun  suami – istri punika kedah saling nglindungi,  saling nglengkapi saha nutupi kekurangan pasanganipun piyambak-piyambak.  Ing dalem Al-Qur’an S. Al-Baqarah : 187  Allah dawuh:

هُنَّ لِبَاسٌ لَكُمْ وَأَنْتُمْ لِبَاسٌ لَهُنَّ

“Deweke (bojo-bojomu) iku minangka sandanganira lan sira (bojo lanang) iku minangka sandangan tumrap deweke.

 Saking ayat kasebat saget kita pahami,  bilih sandangan utawa  pakaian punika gadahi fungsi nutup aurat saha kekirangan utawi cacatipun jasmani manungsa,  semanten ugi  pasangan suami – istri, dipun ibarataken sebagai sandangan, pramila piyambakipun kedah saling nglengkapi,  saling nutupi kekurangan saha aib pasanganipun. Semanten ugi pasangan suami-isteri kedah saling nglindungi saking pinten-pinten permasalahan pasanganipun.

Nalikanipun wonten sepasang suami – istri ingkang saling bikak aib saha  rahasia pasanganipun,  maka sakjatosipun  tiyang-tiyang ingkang mekaten punika, benjing wonten ing akherat kedudukanipun dados   tiyang ingkang paling awon  wonten ngarsonipun Allah SWT.   Nabi Muhammad SAW  dawuh :

   { إِنَّ شَرَّ النَّاسِ مَنْزِلَةً عِنْدَ اللَّهِ يَوْمَ الْقِيَامَةِ ; اَلرَّجُلُ يُفْضِي إِلَى اِمْرَأَتِهِ وَتُفْضِي إِلَيْهِ , ثُمَّ يَنْشُرُ سِرَّهَا }  أَخْرَجَهُ مُسْلِمٌ   .

“Saktemene wong kang paling elek  kedudukane ono ing ngarsane  Allah besuk ono ing dino kiyamat yaiku sawijining wong lanang  kang ngumpuli bojone lan wong wadon kang dikumpuli bojone, banjur deweke pada bukak rahasiane “

Hadirin rahimakumullah,

Cita-cita kangge gayuh   mawaddah wa rahmah ing dalem bahtera rumah tangga namung saget kawujud , menawi tiyang wadon  ingkang dampingi gesangipun tiyang jaler punika wanita shalihah.  Awit namung wanita shalihah ingkang saget dados rencang gesang ingkang sakjatosipun ing dalem suka utawi  sakit. Ingkang bade sabiantu utawi dorong suaminipun  tansah taat dumateng Allah Ta’ala.   Piyambakipun bade budi daya ta‘awun kalian suaminipun  kangge dadosaken rumah tangganipun  bangunan ingkang  kuat saha kokoh,  ingkang mboten gampil roboh nalikanipun  dipun terjang dening badai. Rasulullah SAW dawuh :

الدُّنْيَا مَتَاعٌ  وَخَيْرُ مَتَاعِهَا الْمَرْأَةُ الصَّالِحَةُ

“Saktemene dunya iku perhiasan  lan sak apik-pike perhiasan dunya iku  wanita kang shalihah.” (HR. Muslim).

Nabi Muhammad SAW dawuh : bilih sak sae-saenipun  dunyanipun tiyang jaler punika gadah bojo ingkah shalihah, nalikanipun dipun pandang nyenengaken, nalikanipun dipun perintah taat, saha nalikanipun tiyang jaler mboten wonten ing dalem piyambakipun saget ngrekso kesucianipun saking priyo sanes.

Akhiripun,  kula bade ngaturaken setungaling Doa Rasulullah  kangge  Pengantin dipun waos sak sampunipun ijab kabul :

بَارَكَ اللهُ لَكَ  وَبَارَكَ عَلَيْكَ  وَجَمَعَ بَيْنَكُمَا فِى خَيْر

“Mugo-mugo  Allah paring berkah marang awakmu, lan mug-muga  keberkahan ing ngatase awakmu sak lawase  lan  nyawijekake awakmu  sekalian ing dalem keapikan.” (HR Abu Daud, Tirmidzi, Ibnu Majah).

Saha setungal   Doa malih ingkang dipun waos  dening nganten jaler ingkang sampun pikantuk pasangan gesangipun :

اللَّهُمَّ إِنِّي أَسْأَلُكَ خَيْرَهَا، وَخَيْرَ مَا جَبَلْتَهَا عَلَيْهِ، وَأَعُوْذُ بِكَ مِنْ شَرِّهَا، وَشَرِّ مَاجَبَلْتَهَا عَلَيْهِ

“Ya Allah,  sakestunipun  kulo nyuwun dateng panjenengan kesaenanipun garwa kula, lan kesaenanipun saking punopo ingkang  sampun panjenengan titahaken ing dalem watakipun. Lan  kulo nyuwun perlindungan dumateng panjenengan saking dari keawonanipun garwa kulo lan keawonan saking punopo ingkang sampun panjenengan titahaken ing dalem watakipun.” (HR Abu Daud).

Mekaten khutbah ingkang saget kula aturaken mugi-mugi manfaat dateng kito sedoyo. Amin.

أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِوَالِدِيْنَا وَلِمَشَايِخِنَا وَلِسَائِرِ الْمُسْلِمِيْنَ وَالْمُسْلِمَاتِ، فَاسْتَغْفِرُوْهُ إِنَّهُ هُوَ الْغَفُوْرُ الرَّحِيْمُ

  BY: H. NUR KHAMID, S.HI

NIP. 197810212005011002

PENGHULU MUDA 

KANKEMENAG KAB. REMBANG